Talenta toi' Taak-,Kabaahan Mantad Kinoingan

Pambasaan Buuk Tobitua do Gospel Minggu baino (19.11.2017), kokomoi do tukadan (parable) di Tuhan Jesus kokomoi 'talenta'. Songuhun suupu noonuan do himo talenta, ii koduvo tohu talenta om ii kotohu iso' talenta.

I koiso nakaanu do himo po vagu, ii koduvo tohu po vagu om ii kotohu nimaan dau hobongo' ii talenta di ii iso' no. 

Songian do nokoguhi ii tuan om nokoiho nunu ii nimaan di tohu suupu do mintamong di talenta, nimaan dau onuai do vava' do mogigizon miampai disido id kasanangan ii koiso om ii koduvo. I nopo kotohu nga' nimaan hodongo', pinungaanan do gobulan om nimaan aavai di iso' talenta om maai no pataamo id totuvong.

Tumanud kopongia'an di Fr. Robert Schoenstene, ii pinohombus di Bishop Robert Barron, kivaa komozon taahom do tukadan dii. Nokomoi nopo dii nga' kobinsianan om koginavaan di Tuhan Kinoingan. Kobinsianan diti mositi do maan poboogizo' om pataakon doid suvai tuhun mooi do kogumu' ii.

Ka di Bishop Barron pinoposuat:
"The talents given to the three servants are not so much monetary gifts or personal capacities; they are a share in the mercy of God, a participation in the weightiness of the divine love. But since mercy is always directed to the other, these “talents” are designed to be shared. In point of fact, they will increase precisely in the measure that they are given away."

Komozon: 
Ii talenta ii nakataak kumaa di tohu suupu okonko titaak do kousinan toi kabaahan tosoosonguhun; ii nopo nga' baagi doid kobinsianan do Kinoingan, kaampazatan doid vinagat di koginavaan Disido (Kinoingan). Nga' sabap no do tomoimo do pointuddu ii kobinsianan kumaa doid dovokon, do "talenta" ngaavi' diti no-uug do maan poboogizo'. Ii otopot nopo, mimang gumu' ii (talenta) tumanud pagadangan ii kataak doid dovokon."

Mooi DUTIA do mambasa' nunu nokosuat di Bishop Barron. (Id Boos Onggilis / Original Article in English)

Nunu Guno Miikau Songovian?

Di poguhu, miikau id hisiu tuhun Kadazan. Aiso tikoon. Aiso mija. Songian do otiitimung sabap do kivaa kalaja pitabangan toi' matod toi' kivaa tuhun minidu' pogun, miilkau zioho' id hisiu. Vookon mingkakat.

Kivaa timpu dioho' do miboos, sopikoko-koko do mongiak ontok kalamazan. Okodoit zioho' ontok kivaa tuhun nosusa'. Kikapantangan! Humingkozod o mohoing tondu. Om moginggat nodii zioho mantad tinggaton ii poinsuang do salapa'. Vookon kusai nga' humingkozod nogi. Vookon pisolidangon o takod do miikau.

Doiho no zioho' do mogiboboos. Songian kivaa di moboos, ii suvai mokinongou. Au' zioho' aanangan do kivaa sumampalag. Aiso adat, ka dioho'.

Nung au' miikau songian mogibooboos, au' otohinaasan nunu ii booson. Songian au' alatian, ginavo humodong, toi' au' koiho nunu maan toinao'. Okudi' kosivatan do minsingiho.

Aiso taanu songian do tumimung songovian om au' i' mogibooboos toi mokinongou. Nunu dii guno do tumimung toomod om toiso'iso' mimang nunu ii kaandak sondii.

Baino, nokobuu' nodii kozo o pomogunan. Kopiboos sundung do miinsodu'. Tuutulus okito gambal sabap kivaa 'camera' id telefon om ii kaanu papaatod dii kumaa doid telefon tiso' sundung potuu do huu' sampaping do pomogunan. Ta', avasi' kozo. Monguhan iti do kopooposizon do tuhun!

Nga' ii podii kosusaan tu' songian do miikau sabap do kivaa pibaasan toi' sabap mindad takanon do posuungon, okudi' kozo ii miboos. Nunu ii maan kogumuan do tuhun baino nga' papahabus do telefon"tapandai" dioho' om mintodos dii. Ingkaa no puu paganakan. Ingkaa nogi' ii miambahut.

Natagak sunduvan do pizunguan. Natagak kahangadan do miboos. Om miampai dii, tumagak piombohutan om pilotian om piobpinaizan.

Avasi' do kivaa do bakaang ngaavi' do miaga diti. Kosokodung iti! Nga' songian do katahib do momoguno dii, akagasan o tuhun do ula-ula ii kopogovit kumaa koutuman. Adadi' zioho' do suupu dii bakaang. Adadi ii bakaang do ponokinoingan.

Songian do au' kaanu momoguno dii toi' aiso dii do piovit-ovit, miaga ko' atagakan o tuhun dii do hongon toi' takod. Mingkolomusos isido. Au' otoonong pomusaavan!

Iti no nangku vaza' do kobuuon? Nung ingkaa, nunu dii guno do oindamaan do mimang buu' nung au' no kaanu tuhun momoguno bakaang ngaavi' kavavagu miampai do kotunud? Nunu dii guno ngaavi diti nung mamadadi iti do tuhun sabaagi do tudipon?

Tanak Tondu' Nokokito Koduuduvo di Ama' Dosido Mininsavat

Susuzan diti naantakan id piahatan toun 1600-1700. Songuhun tanak tondu osusa' kozo ginavo sabap no do minidu' pogun zi ama dosido. Mimang kozo zosido do kougad doiho' Surga ii mohoing dau.

Minooi zosido soomo' songuhun faado (abbot), ii Millán de Mirando id monastori do Our Lady of Montserrat (Rani Za do Montserrat) id Pogun Spain. Minokiinsian zosido om minokianu do tohu (3) Missa Tobitua montok do koduuduvo di ama' (father) dosido.

Sabap do nokito di faado do agazo kozo kohizaban di tanak tondu' dii do nimaan di faado tuhuko' ii pinokiinsianan dosido.

Ontok maso papanaon ii Misa di kumoinsan nogi, nokito di tanak tondu' zi ama' dau do poinsingkotud id taang koiso pakaazan id Altari. Nohiputan isido do tapui. Songian poihoo' di tanak ii faado, sinuu' di faado zosido do popovihiu do katalas 'tissue' id hivang dii. Nosindaban do tapui o 'tissue' dii om novuvu'.

Ontok di Misa koduvo, nokito di tanak zi ama' dau do poinsingkotud id taang koduvo di Altari. Osindak o basaan disido.

Ontok di Misa kotohu, nokito di tanak dii zi ama' dosido, poimbasaan do opuak. Kopongo nopo ii Misa, haad no ii tanak do mininsavat ii koduuduvo di ama' dosido. Noondos kozo zosido.

Mooi DUTIA do mambasa' do susuzan diti (Id boos Onggilis / Orginal story in English):

https://aleteia.org/2017/11/02/this-grieving-girl-witnessed-her-father-travel-from-purgatory-to-heaven/?utm_source=Twitter&utm_medium=CPC&utm_campaign=EOY_HeavyUp&utm_content=AD_Grieving 
 

Ko-11 Vuhan ko-11, 2017: Dodizon do Obitua Tu' Pinatai Sabap Kotumbazaan

Onom ngoopod faado om brodo 'Vincentian' maan dodizo' do Obitua (beatified) ontok Tadau ko-Onom, ko-11 Vuhan ko-11, 2017, id Madrid, Pogun Spain. Zioho' nopo diti nga' poingamung tinimungan pungaanan do "Congregation of the Mission (C.M.) ii pinotimpuun di Sangti Vincent de Paul di toun 1625. Tudduvon nopo dioho' nga' papaabal di Abal Tavasi do Kinoponobusan kumaa di tuhun toomod id kakampungan ngaavi' om mongia' kusai tomuhok do dumadi do faado.

Ii 60 tuhun diti pungaanan do 'martyr' komozon ii pointounda' do matai sabap no do kotumbazaan
kumaa doid di Kristus. Pinatai zioho' ontok pisangadan sompi momogun (civil war) do Pogun Spain.

Koposizon dioho' pinopointahang do kotumbazaan dioho doid di Kristus, minonoimo kapatazon miampai do pinapaampun om do minokianu do paganakan dioho do papaampun di mamatai dioho'.

Ii Kardinal Carlos Osoro Sierra do Madrid, Spain minoboos, “A human being's weapons are not hatred or rancor but those of Jesus Christ: the love which engenders life and not death.”

"Bakaang pisangadan do tuhun nopo nga' okonko kababaazat toi' kapaitan nga' ii Jesus Kristus: koginavaan ii manaak do koposizon om okonko' kapatazon."

Onom ngoopod 'martyr' diti kaampai no zo Vicente Queralt Lloret di José Maria Fernández Sanchez.


Montok Susuzan tana-u' id Boos Onggilis, mooi DUTIA do mambasa':
http://www.ewtnnews.com/catholic-news/World.php?id=16519

What is "Gumahoi"?

What is "GUMAHOI"?

"Gumahoi" is a Kadazan word that means "Reaching Out." This can mean reaching out to others, reaching out to the less fortunate, reaching out to those in need, and so on.

When you meet people and you inquire how they are, this is 'reaching out." Reaching out to people is not confined to any particular place or time. It can be by any means. It can be through other people. When you say, "Say hi to your family," you are reaching out to the person's family.

However, 'reaching out' to others does not usually come naturally. Fear pulls us back.

In the Parable of the Good Samaritan, the man did not think twice about helping the wounded man. And he did not count the cost. In fact, he promised the inn-keeper that he would pay him everything that was expended to make the unfortunate man well again.

In the true story of the rescue of an 18-month old baby, Jessica McClure who fell down a 22 feet-deep well, everybody lent a hand in order to rescue her. This is 'reaching out' to the baby and the hurting family. It was a miracle that the baby girl was rescued after 58 hours without any serious injury. She is now 31 years old.


There are many stories on 'reaching out" out there. You may know some of them.

Note:
For those who have never heard about the Kadazans, they are the major ethnic race in Sabah, a founding member of the Federation of Malaysia.